انت لما تتوظف وتعيش حياتك على دخل شهري ثاااابت والحكومة هي الحددت ليك دخلك دا، الكلام دا معناهو الحكومة هي البتحدد ليك العمر الممكن تتزوج فيهو، وهي البتحدد ليك العمر الممكن تمتلك فيهو بيت، وهي البتحدد ليك العمر الممكن تمتلك فيهو عربية،.
تتوظف وانت عمرك 25 سنة وفي نفس الوقت انت ماشي على نهح انك بعد تحصل عمر 40 حتى تمتلك بيت، والعربية تمتلكه بعد تنزل المعاش، غير كدا إلا لو تلملمها من السرقة والرشوات، أو تقع ليك ورثة.
فليه تتوظف وتعطي الحق لي طرف تاني يرسم ليك المستوى المعيشي الانت حتعيش فيهو،؟؟ هي الدنيا دي انت بتعيشها كم مرة؟؟
ياخ مش انت موظف والله لو ركبت عربية ساي كل النا
س تمسك سيرتك، عارف ليه؟؟ لا لا ياخ ما عشان وجاهتك ولا عشان خاطر عربيتك، بس عشان انت موظف وهم عارفنك لو عملت ليك عربية حتعملها بعد 19 سنة من ما اتوظفته فلما تتوظف وتعمل ليك عربية بعد 8 سنة ساي بعتبروك حرامي، وفعلا لو ما حرامي ما بتعملها.
انا ما زول محبط بس والله ما عايزكم تعتمدو علي الوظيفة لانها عمل الانسان المستسلم أو العاجز، ونحنا في دولة بتوفر وظيفة واحدة فقط لكل 100 خريج، يعني وظايف مافي وحتى لو وجدت فروش ما فيها، وبرضو بنجري وراها، كل الاسباب اجتمعت لنا نحنا كشباب من اجل ان ننبذ الوظيفة، الانسان المتشائم بنظر لي كلامي دا على انو محبط، وفعلا والله يا جماعة كلامي دا احباط ليكم؛ بس من الناحية الاخرى فيهو أحياء للامل في انك تعتمد على نفسك وتاسس لنفسك بنفسك،
ولو كمان كلامي دا كلو ابيتو ما مشكلة، اتوظفو سااااي ومرتبكم دا قضو عيش وكسرة بي ملاح قرع، واوعاكم تفكرو تركبو عربات وتسكنو عمارات من مرتباتكم دي، ما هو ما ممكن كمان الواحد يبقى شحاد وعايز عملة صعبه😑
تعليقات
إرسال تعليق