اللواء الابيض

  بالنسبة للناس الشايفاني انو انا انسان محبط، أحب أقول ليكم انتو واقعكم هو المحبطكم، انت ممكن تتجاهل كلامي دا عااااادي، بس الواقع هو الحيصفعك ويرجعك محبط تاني وتالت ورابع، في ناس تابعت منشوراتي واصابها الاحباط، وفي ناس ما تابعت منشوراتي ولا حصل يوم قرت لي منشور بس برضو أصابها الاحباط، تفتكرو السبب شنووووو؟؟ *"الوااااقع"* الواقع الواقع في التراب دا، كدا تعالو معاي، انتبه الكلام الجاي دا فيهو إحباط... الفقير عالميا هو من ينفق مبلغ 200 دولار في الشهر، الدولار اليوم يساوي اكتر من 400 جنيه سوداني، 200 × 400 = 80.000 الف جنيه سوداني. يلا دا اسمو حد الفقر العالمي، لاحظو معاي كويس انو انا قلت ينفق 200 دولار شهريا، وليس إجمالي ما يتقاضاه، يعني 80.000 الف دي عبارة عن منصرفات فقط، ويعد دا كلو تعتبر انك انسان فغير، ولا تعتبر انسان غير ففير الا بعد ان يتخطى صرفك الشهري هذا المبلغ {80.000 جنيه سوداني} عزيزي المواطن السوداني، انت ما مسكين، ولا فقير، انت مشرد عديييييل كدا، وتاني راجياك قيامة 💔 لو تلاحظو ياجماعة انا ما قاعد احبط الناس، انا بنتقد الواقع الكلكم عارفنو، وقاعد ادي حلول بديلة، قب...

  يا كائن انت قادر تصدق انو في ناس عندهم واسطة وبقدمو ليهم سنين وما شالوهم، يعني حتى وانت بي واسطتك دي محتاج تنافس الوساطات الآخرى بعدها يقبلوك والله تقدمو في اللوتري كلكم يقبلوكم، لكن تقدمو لما عينكم تطلع لي وظيفة في السودان ما يقبلوك لو بقيت بروف الدفعة ياخ بيني وبينك انت دفعتك فيها 200 طالب ما قادر تنافسهم وتجي أول الدفعة، هسي انت عايز تنافس 800 شخص من مختلف الجامعات، الخرطوم، السودان، النيلين، الاسلامية، بحري . . . .الخ  وانت لسه شايل راسك المربع زي لوح التلج أبو 40 جنيه وماشي تقدم كلامي دا ما تحطيم ليكم لكن عايز اوفر ليكم حق المواصلات الحتخسرو وعشان ما تجيكم صدمة وجلطة، وعشان تعرفو انو مستقبلكم ما في البلد دي، صحي البني ببدا من طوبة بس هسي بيني وبينك الطوية بي كم؟ 💔 الحل كألاتي يا تشترو ليكم عقود وتتخارجو من البلد دي. يا تقعو الزراعة والتجارة. يا تشيلو ليكم حفظات وترمو فيهو لوح تلج وتقعو سقى في السوق العربي، أو كمان الحل الاخير تقعو البحر 🙂 ياخ انتو عندكم كم جامعة في البلد دي، وفي كم الف طالب بتخرج سنويا،؟ واي مؤسسة أو جهة طلعت ليها وظايف تلقى عددها ما بين 15 الى 2...