بالنسبة للناس الشايفاني انو انا انسان محبط، أحب أقول ليكم انتو واقعكم هو المحبطكم، انت ممكن تتجاهل كلامي دا عااااادي، بس الواقع هو الحيصفعك ويرجعك محبط تاني وتالت ورابع، في ناس تابعت منشوراتي واصابها الاحباط، وفي ناس ما تابعت منشوراتي ولا حصل يوم قرت لي منشور بس برضو أصابها الاحباط، تفتكرو السبب شنووووو؟؟ *"الوااااقع"* الواقع الواقع في التراب دا،
كدا تعالو معاي،
انتبه الكلام الجاي دا فيهو إحباط...
الفقير عالميا هو من ينفق مبلغ 200 دولار في الشهر، الدولار اليوم يساوي اكتر من 400 جنيه سوداني،
200 × 400 = 80.000 الف جنيه سوداني. يلا دا اسمو حد الفقر العالمي،
لاحظو معاي كويس انو انا قلت ينفق 200 دولار شهريا، وليس إجمالي ما يتقاضاه، يعني 80.000 الف دي عبارة عن منصرفات فقط، ويعد دا كلو تعتبر انك انسان فغير، ولا تعتبر انسان غير ففير الا بعد ان يتخطى صرفك الشهري هذا المبلغ {80.000 جنيه سوداني}
عزيزي المواطن السوداني، انت ما مسكين، ولا فقير، انت مشرد عديييييل كدا، وتاني راجياك قيامة💔
لو تلاحظو ياجماعة انا ما قاعد احبط الناس، انا بنتقد الواقع الكلكم عارفنو، وقاعد ادي حلول بديلة، قبل اليوم قلتها، ونصحت بيها الناس( الزراعة، التجارة، السفر للخارج) بس انا ضد الوظيفة، وانتو عيبكم مركزين على انتقادي للواقع ومعتبرنو احباط، ومتجاهلين الحلول البديلة الطرحتها ليكم،
بالمنطق كدا انتو عايزين نصكم يتوظف في مؤسسات الدولة، صاح؟ والنص التاني يجي للمؤسسات دي عشان تخدمو؟
ماف دولة بتوفر وظايف لكل شعبها، بس المسألة مسألة تكامل، جزء توظفو الدولة، والجزء الثانى عمل خاص، وانتو الحته دي ما عايزين تفهموها، كل ما في الأمر انا بحاول اشجع الناس على العمل الحر، والسبب واضح، وظايف قليلة، وراتب غير مجزي، والناس لازم تشوف بديل، الوظيفة دي طريقة كسب مستحدثة، والعمل الحر ظهر قبلها، ورسولنا الكريم كان راعيا وتاجرا،
أغنى رجال العالم ليسو موظفين، لا يوجد رأسمالي موظف،
الوظيفة يمكن أن توفر لك لقمة العيش فقط، لكنها لا ترتقي بك إلى مرحلة الرفاهية والترف وحياة البزخ، لهذا اقول لكم الوظيفة والعبودية وجهان لعملة واحدة(تعمل لأجل ان تأكل) العبد لا يستطيع اغتناء سيارة، لا يستطيع لبس الملابس الفاخرة، لا يستطيع اكل اجود انواع الطعام، لا يستطيع التوقف عن عمله من تلقاء نفسه، انت موظف؟ إذا انت مستعبد،
انتو تفكيركم ما يكون حول الوظيفة فقط وكيف تحصل عليها، فكرو في البدائل، القروب دا فيهو خريجين من مختلف الجامعات، وكل خريج دخل هنا لانو عايز يشتغل اكييييد طبعا، بس انا ملاحظ انكم ما بتنشرو فيهو فرص عمل الا اذا كانت وظيفة، يعني ماف شخص بنشر فرص عمل حر، أو أفكار ممكن غيرك تعجبو ويطبقها، كل تركيزكم على الوظيفة، في النهاية انتو خشيتو هنا عايزين شغل، ما يهمكم وظيفة ام عمل حر،
في ناس عايزة تنقد اي كلام يقال، وبعد النقد ما عندها اي اقتراحات ودا النقد الهادم، انا انتقدته الوظيفة واديتكم البدائل، العلم ما بديك قروش، لكن بعلمك لو لقيت مبلغ صغير جدا كيف تستثمرو بأفضل صورة ممكنة؛ ودا في حد زاتو العمل الحر، لو تلاحظو معظم الكلام البندرسو في الجامعات ما بقابلنا في الوظيفة، لكن بقابلنا في العمل الحر، كدا بس انت اقعد مع نفسك بعيد من الناس والجوطة وفكر فيها واحسبها، وشوف كلام عقلك شنو؟؟
بس أتذكر انو الدكتور بفتح عيادة خاصة؛ لانو مرتب الدولة ما بكفيه،
تعليقات
إرسال تعليق